नेपाल यातायात व्यवसायी राष्ट्रिय महासंघले सार्वजनिक यातायातमा विद्यार्थीलाई दिइँदै आएको छुट अब नदिने घोषणा गरेको छ।
यातायात व्यवस्था विभागले विद्यार्थी छुट अनिवार्य रूपमा उपलब्ध गराउन निर्देशन दिएपछि महासंघले त्यसको कडा विरोध गर्दै यस्तो अडान लिएको हो।
महासंघले सरकारलाई पठाएको जवाफमा राज्यले व्यवसायीलाई दिँदै आएको कर सहुलियत पुनः बहाल नगरेसम्म कुनै पनि हालतमा विद्यार्थी छुट कार्यान्वयन नगर्ने स्पष्ट पारेको छ।
व्यवसायीहरूले २०६५ सालको निर्णय देखाएर सरकारले दबाब दिएको भन्दै त्यसको आलोचना गरेका छन्। महासंघका अनुसार विगतमा विद्यार्थीलाई ४५ प्रतिशत छुट दिएबापत व्यवसायीहरूले वार्षिक कर, रुट परमिट र जाँचपासमा ६० प्रतिशतसम्म सहुलियत पाउने व्यवस्था थियो।
तर संघीय व्यवस्था लागू भएपछि सरकारले २०७३ सालदेखि उक्त सहुलियत हटाएको महासंघको दाबी छ। यसले व्यवसायीहरू आर्थिक रूपमा मारमा परेको उनीहरूको भनाइ छ।
महासंघले एकातिर प्रदेश सरकारले कर असुल्ने र अर्कोतिर संघीय सरकारले सहुलियत हटाउने काम गरेको भन्दै यस्तो अवस्थामा बिना राहत सेवा दिन सम्भव नभएको जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
